FAQ

Ana Sayfa
Worldcardım itdiyi və ya oğurlandığı halda nə etməliyəm?

Kredit kartınız itdiyi və ya oğurlandığı təqdirdə, zaman itirmədən dərhal *0444 Yapı Kredi Telefon Mərkəzinə zəng edərək vəziyyət haqqında məlumat verməlisiniz.

İtən və ya oğurlanan Worldcardı tapdığım halda ondan istifadə edə bilərəmmi?

İtməsi və ya oğurlanması haqqında məlumat verdiyiniz kredit kartınızı tapsanız belə, təhlükəsizlik məqsədilə ləğv edildiyi üçün həmin kartdan təkrar istifadə edə bilməzsiniz. Həmin kartı hər ehtimala qarşı, ehtiyat tədbiri olaraq, müxtəlif yerlərindən zədələmək və kəsməklə istifadəyə yararsız vəziyyətə gətirin. İtirilmə/oğurlanma haqqında verdiyiniz məlumatdan qısa müddət sonra yeni Worldcard ünvanınıza çatdırılacaqdır.

Əlavə kartlar itdiyi/oğurlandığı zaman banka məlumat verməliyəmmi?

Əlavə kartın itməsi və oğurlanması halında *0444 Yapı Kredi Telefon Mərkəzinə itirilmə/oğurlanma haqqında məlumat verməlisiniz.

World borcumu hansı yollarla öyrənə bilərəm?

Worldcard borcunuzu hesab bildirişinizdən izləyə bilər və ya *0444 Yapı Kredi Telefon Mərkəzindən öyrənə bilərsiniz.

Ünvan dəyişikliyini necə həyata keçirə bilərəm?

Worldcard istifadə edərkən, hər hansı bir problemlə qarşılaşmamaq üçün, ünvanınız və digər əlaqə məlumatlarınız dəyişdiyi halda *0444 Yapı Kredi Telefon Mərkəzinə və ya sizə ən yaxın məsafədə yerləşən Yapı Kredi filialına bu haqda ən gec 15 gün ərzində məlumat verməlisiniz.

Soyadım dəyişdiyi halda nə etməliyəm?

Soyadınızın dəyişdiyini sübut edən bir sənəd (nikah haqqında şəhadətnamə, yeni şəxsiyyət vəsiqəsinin surəti) və müxtəlif yerlərindən zərər vuraraq və ya kəsərək istifadəyə yarasız vəziyyətə gətirdiyiniz Worldcard kartınız ilə birgə sizə ən yaxın məsafədə yerləşən Yapı Kredi filialına müraciət etməniz kifayətdir. Yeni soyadınızın göstərildiyi kredit kartınız ən qısa müddətdə ünvanınıza çatdırılacaqdır.

Telefon nömrəm dəyişdiyi zaman nə etməliyəm?

Yeni nömrənizi *0444 Yapı Kredi Telefon Mərkəzinə və ya sizə ən yaxın məsafədə yerləşən Yapı Kredi filialına ən gec 15 gün ərzində bildirməlisiniz.

Kartımın üzərindəki maqnetik lentin pozulması və ya zədələnməsi halında nə etməliyəm?

Sizə ən yaxın məsafədə yerləşən Yapı Kredi filialına müraciət edərək, Kart Dəyişikliyinə dair Ərizə formasını doldurmanız və ya *0444 Yapı Kredi Telefon Mərkəzi ilə əlaqə saxlamanız kifayətdir. Yeni kredit kartınız ünvanınıza ən qısa zamanda çatdırılacaqdır.

Worldcard istifadəsinə dair dəyişikliklər haqqında necə məlumat ala bilərəm?

Worldcard istifadəsi ilə əlaqədar dəyişikliklər sizə hesab bildirişində göstəriləcək mesajlar və ünvanınıza göndəriləcək məktublar vasitəsilə bildiriləcəkdir. Haqq və öhdəliklərinizi öyrənmək üçün, lütfən bu mesaj və məktubları diqqətlə oxuyun.