1.1.Kartınız İtdiyi və ya Oğurlandığı Zaman Nə Etməlisiniz?

• Kartınız itdiyi və ya oğurlandığı hallarda, dərhal vaxt itirmədən Yapı Kredi Banka vəziyyət haqqında məlumat verərək kartınızın ləğvini tələb edin.
• Bu cür təcili vəziyyətlərdə vaxt itirməmək üçün *0444 Yapı Kredi Telefon Mərkəzi nömrəsini əvvəlcədən əlçatan bir yerə qeyd edin.
• Kartınız ATM-də qaldığı zaman dərhal Yapı Kredi Bank filiallarına müraciət edin.

1.2.Kart Saxtakarlarına Qarşı Tədbirlər

• Şifrənin qorunmasında kart sahibinin məsuliyyət daşıdığını unutmayın. Kart şifrənizi bank işçiləri daxil olmaqla, heç kimə bildirməyin.
• Şifrənizi kartın üzərində, pulqabında, yaxud da çantanızda yazılı şəkildə saxlamayın. Əks halda oğruların və cibgirlərin işini asanlaşdırmış olarsınız. Şifrənizi mütləq əzbərləyin və şifrənizin yazılı olduğu qeyd sənədlərini məhv edin.
• Şifrənizin, doğum tarixi, müştəri hesab nömrəsi, şəxsiyyəti təsdiq edən sənədin nömrəsi, ardıcıllıqla sıralanmış rəqəmlər, telefon nömrəsi və ya iş yeri qeydiyyat nömrəsi kimi asanlıqla təxmin edilə bilən nömrələrdən ibarət olmamasına diqqət edin.
• Şifrənizi müəyyənləşdirərkən, e-poçt və ya mesaj qəbulu və göndərişi kimi digər internet xidmətlərindən istifadə üçün istifadə etdiyiniz şifrələrin eynisini istifadə etməyin.
• Şifrənizi unutduğunuz halda Yapı Kredi Bankla əlaqə yaradaraq şifrənizi dəyişdirin və ya kartınızı yeniləyin.
• İnternet klublar kimi ictimai yerlərdə kompüter vasitəsilə kredit kartınızla onlayn alış-veriş edərkən diqqətli olun, alış-veriş üçün etibarlı saytlar seçin, istifadə etdiyiniz kompüterin antivirus sisteminin çalışdığından əmin olun.
• Virtual alış-veriş üçün, internet vasitəsilə kredit kart nömrəsi, şifrə və ya şəxsi məlumatlar tələb edən e-poçt ünvanlarına qətiyyən məlumat verməyin. Yapı Kredi Bank heç bir halda e-poçt ünvanı vasitəsilə şifrə əməliyyatı aparmır və şəxsi məlumatlar tələb etmir. Həmin məlumatları telefonda, əlaqə yaradan tərəf siz olmadığınız hallarda da digər tərəfə verməyin.
• Şifrənizi heç bir halda, sizdən başqa bir şəxs bilməməlidir. Bank personalı daxil olmaqla, heç kimə telefon vasitəsilə şifrənizi bildirməyin. ATM istifadəsi zamanı sizə kömək etmək məqsədilə yaxınlaşan şəxslərin təklifini qəbul etməməlisiniz.

1.2.2.Kart Məlumatlarının İstifadəsi

• Kart ilə POS terminalında ödəniş etdikdən sonra kartınızı geri aldığınızdan əmin olun.
• Kredit kartı vasitəsilə etdiyiniz alış-verişlərdə iş yerinin tərtib etdiyi qəbzi diqqətlə nəzərdən keçirin. Alış-verişin edildiyi tarix, kart nömrəsi, kart sahibinin adı-soyadı, alış-verişin məbləği haqqında olan məlumatların düzgünlüyünü yoxlayın.
• Virtual alış-veriş yerləri istisna olmaqla, internet vasitəsilə kredit kartı nömrəsi, şifrə və ya şəxsi məlumatlar tələb edən e-poçtlara qətiyyən məlumat verməyin. Yapı Kredi Bank heç bir halda e-poçt vasitəsilə şifrə əməliyyatı aparmır və şəxsi məlumatlar tələb etmir. Həmin məlumatları telefonda, əlaqə yaradan tərəf siz olmadığınız hallarda da digər tərəfə verməyin
• Kredit kartı şifrənizi hər hansı bir yerə yazmamağınız, şifrənizin təhlükəsizliyi üçün arzu edilən haldır. Hər ehtimala qarşı şifrənizi xatırlamaq üçün qeyd etmək istəsəniz, kredit kartı ilə karta aid şifrənizi fərqli yerlərə qeyd edin. Beləliklə, kartınız itən və ya oğurlanan zaman digər şəxslər tərəfindən kartınızın ATM aparatları vasitəsilə istifadəsinin qarşısı alına bilər.
• Müddəti sona çatmış kredit kartının nömrəsini oxunmayacaq və istifadəyə yararsız hala gətirdikdən sonra məhv edin.
• Yeni kredit kartınız əvvəldən bildirilmiş zamana qədər sizə təqdim olunmadığı halda oğurlanmış ola bilər. Dərhal Yapı Kredi Bankla əlaqə yaradaraq, kartın vəziyyəti ilə bağlı məlumat tələb edin.
• Kuryer xidməti göstərən firmalar vasitəsilə təslim edilmiş kartdan sonra, özünü kuryer kimi təqdim edən şəxsə heç bir halda aldığınız kartı geri verməməlisiniz.
• POS terminalında kartınızı daxil etmədən poçt/telefon vasitəsilə satış və internet əməliyyatlarında kredit kartı nömrəsi və son istifadə tarixinə dair məlumatların alış-veriş etmək üçün yetərli olması, əməliyyatlar zamanı yüksək saxtakarlıq təhlükəsini də özü ilə bərabər gətirir. Bu yollarla alış-veriş etdiyiniz halda etibarlı firmalar seçməlisiniz.

1.2.3.Şəxsi Məlumatların İstifadəsi

• Hesab bildirişinin müddətlərinə diqqət edin. Hesab bildirişləri vaxtında sizə təqdim olunmursa *0444 Yapı Kredi Telefon Mərkəzi ilə əlaqə saxlayın.
• Kart müraciəti əsnasında bildirdiyiniz ünvan, telefon, iş yeri kimi məlumatlarda dəyişiklik olduğu halda maksimum 15 gün içində Yapı Kredi Banka bu haqda məlumat verin.
• Əgər əlaqə siz tərəfdən yaradılmayıbsa, telefonda, e-poçt mesajlarında ya da internetdə naməlum şəxslərə şəxsi və kart məlumatlarınızı verməyin.

1.2.4.Hesab Bildirişi və Ödənişlərlə Əlaqədar Xəbərdarlıqlar

• Hesab bildirişinizi hesabın təslim edildiyi tarixə əsasən təqib etməlisiniz.
• Qəbzlərinizi hesab bildirişinizi əldə edənə qədər atmayın. Hesab bildirişlərinizlə qəbzləri qarşılaşdırın, artıq yazılmış və sizə aid olmayan bir əməliyyat aşkar etdiyiniz halda, ən qısa müddətdə Yapı Kredi Bankla əlaqə yaradın.
• Poçt xidmətində baş vermiş gecikmə səbəbi ilə hesab bildirişinizi almadığınız hallarda, ödənişinizi gecikdirməmək üçün, mümkün olan hallarda Yapı Kredi Banka, kredit kartınızın hesab bildirişini e-poçt vasitəsilə müntəzəm şəkildə göndərilməsi haqqında təlimat verməlisiniz. Bundan əlavə, hesab bildirişinizin poçt vasitəsilə qəbulundan asılı olmayaraq, son ödəniş tarixi bir yerə qeyd edilməli və həmin məbləğin minimal hissəsi ödəniş tarixinə qədər mütləq ödənməlidir.
• Həmin borcun ödənməsi üçün hesabınızda avtomatik ödəniş təlimatı aktiv olduğu halda, təlimatlı ödəniş əməliyyatını avtomatik şəkildə aparılması üçün hesabda kifayət qədər pul olmalıdır.
• Hesab bildirişi üçün daha əvvəl bildirdiyiniz ünvanınızda bir dəyişiklik baş verdiyi halda, dəyişiklik haqqında maksimum 15 gün ərzində Yapı Kredi Banka məlumat verməlisiniz.
• Ödənişlərinizi müntəzəm şəkildə etməli, aylıq kredit kartı hesab bildirişlərini hər dəfə diqqətli şəkildə yoxlamalısınız.
• Kredit kartları və borclarla əlaqədar məsələlərdə həftənin 7 günü, 24 saat xidmət göstərən *0444 Yapı Kredi Telefon Mərkəzindən faydalanmaq lazımdır.

1.2.5.Virtual Alış-veriş Zamanı Diqqət Etməli Olduğunuz Məqamlar

• İnternet vasitəsilə alış-veriş etdiyiniz saytın təhlükəsizliyi yerli/beynəlxalq sertifikatlarla təmin olunmalıdır.
• Yapı Kredi Bank loqotipi və adı istifadə edildiyi hallarda belə, şəxsi məlumatlarınızı tələb edən e-poçtlara və saytlara cavab verməməlisiniz.
• İnternet klublar kimi ictimai yerlərdə kompüter vasitəsilə kredit kartınızla onlayn alış-veriş edərkən kredit kartınızın təhlükəsizliyi baxımından çox diqqətli olmalısınız.
• Etibarlı olmayan saytlardan exe, com, vbs, jpeg sonluqlu faylların kompüterə yüklənməsi riskli ola bilər.
• Virtual mühitdə olan virus təhlükələrinə qarşı, kredit kartınızı istifadə etdiyiniz kompüterə antivirus proqramı yükləməlisiniz.
• Kartların qumar, mərc tipli oyun ödəmələrində istifadəsində məhdudiyyət mövcuddur.